Njealje ođđa sámi buvttadeami ožžot doarjaga

Almmuhuvvon: 13.10.2023

ISFI buvttadandoarjjagat 2,6 millijuvnna NOK

Guokte tv-serie, okta guhkesfilbma ja okta oanehis filbma ožžot dán vuoro buvttadandoarjaga. Oktiibuot juolluduvvo 2,6 millijovnna NOK dán ohcanvuorus:

HEAJASTALLAN

TV-ráidu / Juolluduvvon: 1 300.000 NOK / Buvttadanfitnodat: Forest People/ Čálli: Åse Katrin Vuolab / Bagadalli: Åse Katrin Vuolab, Pål Jackman

Heajastallan © Lars Opstad

Sevdnjes humor dráma-ráidu bearraša birra geat eai áibbas doaimma, geat geahččalit lágidit daid buoremus heajaid, riidalkeahttá. Spoiler: Ii mana beare bures. Ribahit rahtasit almmolaččat.

ORO JASKA

Tv-ráidu / Juolluduvvon: 500.000 NOK / Buvttadanfitnodat: Snowreel AS / Čálli: Vegard Bjørsmo, Silje Burgin-Borch / Bagadalli: TBA

Oro Jaska © Alfredfilm AS – Julie Marie Naglestad

Oro jaska lea tv-ráidu nuoraide mas leat guhtta episoda. Muitalus čuovvu nuoraid Kárášjogas, ja álgá veagalváldimin mii váikkuha juohkehačča nuoraidjoavkkus. Tv-ráiddu namma vuolggasadji lea servvodaga sosiála norbma ahte ii galgga muitalit, dahje «oro jaska». Go leat nuorra, smávva gilážis, dát lea deháleamos njuolggadus.

BIRU UNJÁRGA

Guhkesfilbma / Juolluduvvon: 500.000 NOK / Buvttadanfitnodat: Rein Film / Čálli: Egil Pedersen / Bagadalli: Egil Pedersen.

Biru Unjárga čuovvu sámi nuora Elvira gii gáddá su eatni vuolggahi su dánska fertilitetsklinihkkas. Ovtta beaivvi su duohta áhčči iđista ja Elvira máilbmi rievdá oalát.

VUOJAHIT EALU

Oanehis filbma / Juolluduvvon: 300.000 NOK / Buvttadanfitnodat: Rein Film / Čálli: Ken Are Bongo / Bagadalli: Ken Are Bongo
Beassat vásihit váralaš, ja soaitá maid dat čábbámus oassi johttimis, dálveorohahkii.

Buvttadandoarja ulbmil

Doarjaga ulbmil lea sihkkarastit sámegielat filbmaprošeavttaid buoremus vejolaš kvaliteahta ja nannet sámi filbmadahkkiid ja buvttadeddjiid.

ISFI buvttadandoarjaga ohcanáigemearit leat njelljii jagis: guovvamánu 1. beaivi, miessemánu 1. beaivi, čakčamánu 1. beaivi ja juovlamánu 1. beaivi.