OĐĐA BIVNNUHIS FILMMAT SÁPMIFILMMAS
Almmuhuvvon: 05.03.2025
Sápmifilm almmuha bálkkašuvvon filmmaid
Sápmifilm.com lea aitto almmuhan ovcci filmma. Fargga bohtet vel eambbo. De sáhttá oaidnit dáid filmmaid sihke Norggas, Ruoŧas, Suomas, Ruonáeatnamis, Danmárkkus, Duiskkas ja Canadas. Rávdnjenbálvalusas leat ovdalaččas jo máŋga sámi filbmaklasihkkárat nu go Ofelaš, Guovdageainnu stuimmit ja Sameblod.
Dáid gaskkas lea dál Suvi West:a ođđaseamos rámiduvvon dokumentáras Máhccan, mii vuittii Jussi-bálkkašumi buoremus dokumentáran 2024 ja buoremus filbmenbálkkášumi, Golden Shade Equipment Rental Prize for Cinematographer, Tampere filbmafestiválas 2024. Dokumentára lea maid ožžon erenoamáš fuomášumi Göteborg Film Festivalas.
Maiddái Inga Elin Marakatt Unborn Biru sáhtat dál oaidnit Sápmifilmmas. Oanehisfilbma vuittii sihke Tromsøpalmen 2023:s, ja Storspoven Bálkkašumi Ubmi Filbmafestiválas, ja The Jeff Barnaby Award ja New Voice in Storytelling Award imagineNATIVE Filbmafestiválas 2023:s.
Vuolábealdi oainnát buot filmmaid mat leat aiddo ilbman.
Oainnát dál Sápmifilmmas
Máhccan / Homecoming, 2023, 76 min, bagadallit Suvi West ja Anssi Kömi.
Unborn Biru, 19 min, 2023, bagadalli Inga Elin Marakatt.
Áhčči / Dad, 6 min, 2024, bagadalli Johannes Vang.
Badjealbmá čalmmiiguin / Through a Reindeer Herder’s Eyes, 58 min, 2019, bagadalli Aslak Paltto.
Ivnnit ja eallin / Colors and Life, 39 min, 2014, bagadalli Harry Johansen.
Tystnaden i Sápmi / The Silence in Sápmi, 71 min, 2022, bagadalli Liselotte Wajstedt.
Skádja, 16 min, 2022, bagadalli Eili Bråstad.
Erklært samefri / Declared Sámi-free, 7 min, 1996, bagadalli Anne Kjersti Bjørn.
Seavdnjadas čuvgii / Out of the Dark into The Light, 38 min, 2022, bagadalli Ritva Torikka
www.sapmifilm.com
Min rávdnjensiiddu bokte sáhtát geahččat sámi ja eará álgoálbmot oanehis-, dokumentára- ja guhkesfilmmaid. Lea heivehuvvon sihke priváhta geavaheapmái ja almmolaš ásahusaide. Geavaheaddji bokte, mii máksá 59,- mánnui, beasat válljet daid badjelaš 180 filmma gaska mat mis leat min siiddus. Muhtin filmmaid ferte láigohit sierra. Geavaheaddjis ii leat čatnon áigodat ja sáhttá cealkit eret goas fal.
Rávdnjenbálvalus lea vejolaš oaidnit Norggas, Ruoŧas, Suomas, Ruonáeatnamis, Danmárkkus, Duiskkas ja Canadas.
Internašunála Sámi Filbmainstituhtta lea ovddasvástideaddji distributevrra, ja bálvalus lea hábmejuvvon fárrolagaid Norgesfilm AS.