Rabas virgi: Controller / Seniorráđđeaddi ekonomiija ja doarjagiid várás

Searvva min jovkui: Controller / Seniorráđđeaddi ekonomiija ja doarjagiid várás

Internašunála Sámi Filbmainstituhtta (ISFI) ohcá hárjánan Controller / Seniorráđđeaddi ekonomiija ja doarjagiid várás, min jovkui Guovdageidnui.

Virggis lea guovddáš rolla ISFI ekonomiija- ja doarjjahálddašeamis. Mii ohcat du gii leat čeahppi ekonomiijas, gii barggat dárkilit ja iešheanalaččat ja gii liikot ovddasvástádussii ja molsašuddi bargguide.

Ohcanáigemearri: Čakčamánu 1. beaivvi

(Les stillingsutlysningen på norsk her)

Du deháleamos barggut leat:

• Beaivválaš hálddašeapmi ja čuovvoleapmi ISFI doarjjaortnegiid ektui
• Konteneren, máksimiid ja eará joatkevaš ekonomiija čuovvoleamit
• Gárvvistit ja kvalitehtasihkkarastit prošeaktarehketdoalu ja ekonomalaš raportta ovttas rehketdoallin
• Bargoáiggiid dárkkisteapmi ja dohkkeheapmi ja mánnosaš bálkkáid dárkkisteapmi
• Gulahallan doarjjaoažžuiguin ja prošeakta- ja ekonomiijaraportta dárkkisteami, čuovvoleami ja dohkkeheami ektui
• Váikkuhit dan ahte ISFI siskkáldas bearráigeahččanvuogádagat ja rutiinnat hálddahusas, ekonomiijas ja doarjjahálddašeamis čuovvoluvvojit
• Eará relevánta barggut virggi ovddasvástádussuorggi siskkobealde dárbbu mielde

Barggut sáhttet rievdat ja heivehuvvot áiggi mielde ISFI dárbbuide ja bargi gelbbolašvuhtii.

Mii ohcat du geas:

• Lea relevánta alit oahppu ekonomiijas, rehketdoalus, hálddašeamis dahje sullasaš
• Lea relevánta bargohárjáneapmi ekonomiijabarggus, rehketdoalus, bearráigeahččamis ja/dahje almmolaš doarjjahálddašeamis
• Lea buorre ekonomiija- ja lohkodáidu ja bargá struktuvrralaččat, dárkilit ja iešheanalaččat.
• Lea buorre digitála gelbbolašvuohta
• Leat buorit ovttasbargo- ja gulahallannávccat
• Hálddašit dieđuid ja daidda gullevaš prográmmagálvvu
• Hálddaša sámegiela, dárogiela ja/dahje eaŋgalsgiela, njálmmálaččat ja čálalaččat

Vásáhusat almmolaš hálddašeamis, doarjjahálddašeamis dahje kultursuorggis leat ovdamunni. Persovnnalaš heivvolašvuohta deattuhuvvo.

Mii fállat:

• Iehčanas ja molsašuddi virgi mas lea ovddasvástádus
• Hutkái, riikkaidgaskasaš ja máŋggagielat bargobiras
• Buorit penšuvdna- ja dáhkádusortnegat
• Vejolašvuohta hárjehallat bargoáiggis
• Vejolašvuohta leat mielde ovddideamen guovddáš sámi organisašuvnna mas lea deaŧalaš servodat- ja kulturpolitihkalaš doaibma
• Buorre ja oadjebas bargobiras mas leat buorit bargoustibat

 

Virggi birra

Namma: Controller – Seniorráđđeaddi ekonomiija ja doarjja / Senior Adviser, Finance and Grants
Báiki: ISFI kánturbáiki, Buletjávri, Guovdageaidnu/Kautokeino
Álgin: Go sohppojuvvo
Bálká: Soahpamusa bokte
Áigemearri: Čakčamánu 1. beaivvi

Ná ozat

Sádde CV ja ohcama direktevrii Anne Lajla Utsi, e-poasta: annelajla@isfi.no, bajilčállagiin “Ohcan Controller”. Muital áinnas oanehaččat iežat guoskevaš vásáhusaid, gelbbolašvuođa ja manin háliidat bargat ISFI:s.

Bures boahtin ISFI:ii

Internašonála Sámi Filbmainstituhtta bargá nannet, ovddidit ja oainnusin dahkat sámi filmmaid ja audiovisuála muitalusaid, sihke nationála ja riikkaidgaskasaš dásis. ISFI atná árvvus máŋggabealatvuođa ja háliida fátmmasteaddji bargodili. Mii ávžžuhit buot gelbbolaš ohcciid ohcat.

Háliidat go don geavahit iežat vásáhusaid ja gelbbolašvuođa ja leat mielde hábmemin sámi filmmaid hirbmat buori ovdáneami? Mii illudit gullat dus!