ORO JASKA čájehuvvo NRK, SVT & YLEs
Almmuhuvvon: 11.11.2024
SÁMI NUORAID RÁIDU ČÁJEHUVVO SKÁBMAMÁNU 14.B
Sámi nuoraidráidu ORO JASKA čájehuvvo skábmamánu 14. beaivvi sihke NRK TV, YLE ja SVT. Ráidu čuovvo nuorra ustibiid Kárášjogas maŋŋá veagalváldima, mii guođđá čiekŋalis háviid.
Ráiddu leat ráhkadan Silje Bürgin-Borch ja Vegard Bjørsmo, ja sii leat maid fárrolagaid ásahan čállinlanja mas Kathrine Nedrejord, Ole-Henrik Lifjell, Timimie Märak, Eila Muotka, ja Kátjá Rávdná Broch Einebakken ledje mielde.
Kátjá Rávdná Broch Einebakken neaktá váldorolla, ja Vegard Bjørsmo neaktá maid ráiddus. Ráiddus lei ovda-čájáhus Kárášjogas skábmamánu 7. beaivvi, gos ráiddu filbmen ja vuolggabáiki lea. Vegard Bjørsmo, TV ráiddu ráhkadeaddji ja neavttár addjá ahte lei buorre ovda-čájáhus Kárášjogas. Ledje olu báikkálaččat searvan, ja olusat leamaš maid mielde buvttadeamis ieš guđet dásis. Vegard muitala maid ahte lea erenoamáš duhtavaš mo sin čállinladnja leamaš.
– Leamaš hui olu bargu dássážii. Maŋŋá ovdapremiera Kárášjogas lea mus viimmat leamaš áigi álgit reflekteret dán proseassa mii mis leamaš. Leat nu olu sámi jienat ja dáiddárat geat leat searvan čállinprosessii ja lean duođaid nu rámis go sii leat juohkán sin vásáhusaid, ja veahkehan ráiddus hápmet mo nuorra sámi duohtavuohta sáhttá leat. Mis leamaš nu olu čeahpes sámi čállit mielde, nu go Kathrine Nedrejord, Ole-Henrik Lifjell, Timimie Märak, Eila Muotka, ja Kátjá Rávdná Broch Einebakke, dadjá Vegard.
Eambbo sámi ráidduid
– Mun sávan ahte go nuorat oidnet dán ráiddu sámegillii ahte dát movttidahttá sin eanet čuovvolit neaktima ja ahte sis šaddá maiddái miella ráhkadit eanet sámi ráidduid.
Buvttadeaddji ja tv-ráiddu ráhkadeaddji Silje Bürgin-Borch dadjá lea hui rámis go lea beassan bargat čálliidlanjas.
– Vuollegašvuođain dajan ahte lean rámis go lean beassan bargat nu duostilis, nuorra jienain, ja lean hui rámis sis ja sin muitalusaiguin maid sii leat juohkán munnon Vegardii, dadjá Silje.
EANET ORO JASKA BIRRA
Elli Anne moriha ja lea sáhpodan maŋŋá feastta, Issát ges ballá ahte su čiegusvuohta biliida buot. Áššit gulastuvvet ja jaskatvuođa ferte botket.
Neavttárat ja bargoveahka
Ráhkadan: Silje Bürgin-Borch, Vegard Bjørsmo Bagadalli: Petter Holmsen, Ánne Mággá Wigelius Čállit: Silje Bürgin-Borch, Vegard Bjørsmo, Kathrine Nedrejord, Eila Marie Engkvist Muotka Čálliid latnja: Ole Henrik Lifjell, Timimmie Märak, Elle Risten Eira Script bagadallit: Kátjá Rávdná Broch Einebakken, Marianne Ulrichsen Neavttárat: Kátjá Rávdná Broch Einebakken, Vegard Bjørsmo, Estrid Gustafsson-Fjellheim, Ole-Gabriel Buljo, Máret Áile Gaup Beaska, Benjamin Valio-Engebø, ee Govven: Torjus Thesen Čuohppan: Mathias Askeland, Linn Heidi Slåttøy, Thomas Olaisen Musihkka: Vetle Junker Buvttadeaddji: Silje Bürgin-Borch Executive buvttadeaddji: Hallvard Berby Executive buvttadeaddji NRK: Ales Ree Co-buvttadeaddjit: Hallvard Berby, Viktor Enoksen, Tiina Pesonen Buvttadanfitnodat: Alfredfilm AS Co-buvttadanfitnodat: Feelgood SFT, Snowreel AS, Rabbit Films OY
Dorjon: International Sami Film Institute, Filmfond Nord, Nordisk Film og TV Fond, Sametinget, Fond for Lyd og Bilde, HATS
Ovdánahttima dorjon: Norsk Film Institutt, ISFI, Bergesenstiftelsen, HATS
Olles bargoveahka ja neavttáriid oainnát dás.
Internašunála Sámi Filbmainstituhtta lea dorjon Oro jaska tv-ráiddu ovdánahttimis ja buvttadeamis. Ráiddus leat maid leamaš oahpahallit filbmenáiggis Kárášjogas Erasmus + prošeavtta bokte.