Sapmifilm.com ođđa sisdoaluin ja vejolašvuođaiguin

Vásit sámi ja eamiálbmot muitalusaid erenomáš girjáivuođa

Mii leat viiddidan iežamet filbmarávdnjen siidu www.sapmifilm.com, ođđa sisdoaluin ja vejolašvuođaiguin.

Leat ilus go dál besset olbmot viimmat oaidnit sámi guhkes filmmaid min siiddus

Dál beasat oaidnit sámi guhkesfilmmaid nu mot Ofelaš, Guovdageainnu stuimmit ja Sameblod. Siiddus lea ođđa vejolašvuohta gos sáhtát láigohit eaŋkil filmmaid. Dasa lassin leat badjel 100 filmma oassin jus oastát abonnemeantta. Dat máksá 59 NOK mánnui.

Sápmifilm lea áidna filbma-rávdnjen siidu gos dušše eamiálbmot filmmat. Sámi filmmat galget leat olámuttos, vai olbmot besset oaidnit daid.

Siidu lea rabas geavaheddjiide Norggas, Suomas, Ruoŧas, Ruonáeatnamis ja Kanadas

Siidu almmuhuvvui vuohččan 2018. Dalle lei rabas norgga, suoma ja ruoŧa geavaheddjiide. Dál besset maiddai Ruonáeatnamis ja Kanadas geahččat sámi filmmaid. ISFIas lea guhkit áigge leamaš ovttasbargu eamiálbmot filbmadahkkiiguin árktalaš guovlluin, dadjá Internašunála Sámi Filbmainstituhtta direktevra Anne Lajla Utsi, gii dál lea imagineNATIVE filbmafestiválas Kanadas, Sápmifilm almmuheami oktavuođas.

Sihke priváhta olbmuide ja almmolaš ásahusaide

Siidu lea vuosttažettiin priváhtaolbmuide, geat háliidit geahččat sámi ja eamiálbmot filmmaid. Muhto lea maid vejolaš skuvllaide ja eará ásahusaide geavahit siiddu oahpahussii ja guoimmuheapmái. Sápmifilm addá gehččiide miellagiddevaš ja gelddolaš filmmaid main lea alla kvalitehta. Siidu sáhttá maiddái geavahuvvot oahppan dihte sápmelaččaid ja min kultuvrra, giela ja historjjá birra. Sápmfilmas lea sihke oanehis-, guhkes- ja dokumentára filmmat sámis ja eará eamiálbmot guovlluin.

Almmuhit eambbo filmmaid dálvvi mielde

Boahtte jagi leat olu stuora sámi filbmaprošeavtta jođus. Lea hui miellagiddevaš áigi sámi filbmamáilbmái. Mis lea mihttun fállát ođđa sámi filmmaid min bálvalusa bokte,.

Lea Internašunála Sámi Filbmainstituhtta (ISFI) ovttas Norgesfilm AS mii lea ovdánahttán Sápmifilma. ISFI lea bálvalusa ovddasvástideaddji ja hálddaša siiddu sisdoalu, ja filbmaportála teknihkalaš beliid lea Norgesfilm AS buvttadan.

Mot ráhkadat geavaheaddji?

1) Mana www.sapmifilm.com

2) Deaddil “Čálit sisa”

3) Deaddil “Ođđa geavaheaddji? Dieđit dáppe”

4) Registrere ođđa geavaheaddji

a) Jus lea almmolaš ásahus, merke “Vállje rehkega”

5) Mana iežat e-bostii ja liŋka bokte dohkket geavaheaddji

6) Registrere iežat koartta

7) Návddaš filmmaid!

 

Jus leat gažaldagat, vádde oktavuođa: sapmifilm@isfi.no