Válljejuvvon EFA stivrralahttun

Internášunála Sámi Filbmainstituhta direktevrra Anne Lajla Utsi lea válljejuvvon European Film Academy (EFA) stivrralahttun. European Film Academy lea Europa stuorámus filbmafierpmádat ja lea dehálaleamos filbmafágalaš arena Europas.

Lean hui ilus go lean bovdejuvvon European Film Academy stivrrii. EFA lea dehálaš arena Eurohpa filbmaindustriijas. Dát buktá buriid vejolašvuođaid ođđa verddevuođaid hukset ja dovddusindahkat ja nannet maiddái sámi filmmaid sajádaga Eurohpa filbmaealáhusas. EFA stivrra bargu lea ovddidit Europealaš filbmmaid ja šaddá hui gelddolaš searvat dán bargui, dadjá Utsi.

Sápmái sierra sadji European Film Academy stivrrii

Lea maid erenoamáš go dál lea Sámis sierra sadji EFA stivrras. Dát čájeha man dehálaš ja árvvusadnon sámi filbmaealáhus lea internašunála dásis ja mearkkaša ollu ahte sámi filmmaid ja -filbmadahkkiid jienat maid geasuhit Europa filbmaealáhusas, dadjá Utsi.

Nammadeapmi lea guovtti jahkái, 2024-2026. European Film Academy stivrras leat oktiibuot 19 lahttu, ja ovddastit 15 iešguđetge regiovnna. Sámis lea lassin dáid rieguvnnaide sierra stivrralahttosadji juohke nuppi jagi.

Govva: Per Heimly