Oassálastá Árbi prošeavttain Signaturpitchenis

Johannes Vang searvá Signaturpitchen 2025ii

Internašunála Sámi Filbmainstituhta oasseváldi Signaturpitchen 2025 lea Johannes Vang. Son oassálastá Kortfilmkonventet Signaturpitchen gilvvus filbmaprošeavttain Árbi.

– Oassálastit Signaturpitchenis mearkkaša ollu easkaálgi filbmabagadallái. Lea buorre vejolašvuohta oidnot filbmadahkkin, ja hárjehallat pitchet earáide, dadjá Johannes Vang.

Árbi oanehisfibmaprošeavtta birra
Riidu čuožžila árbbi dihtii oappá ja viellja gaskka. Go hávkaduvvon mánnávuođaváivvit bohtet fas oidnosii, ferteba vássánáiggi guorrat vai gávdnaba fas geainnu ovddosguvlui.

Johannes Vang birra
Norggabeal sámi bagadalli ja buvttadeaddji Johannes Vang berošta erenoamážit sámi, kveana ja davvi-norgga muitalusain. Son guorahallá álgoálbmotkultuvrra, identitehta ja servodaga fikšuvnnafilmma ja dokumentára bokte.

Signaturpitchen
Signaturpitchen lea pitchengilvu Kortfilmkonventet oktavuođas Troandimis ođđajagimánu 22.-23. beaivvi 2025.Norgga regionála filbmaguovddážat, oktan ISFI:in, válljejit ovddasteddjiid gilvui ja dán jagi bálkkašupmi lea 80.000 Norgga ruvnnu. Loga eanet dás.