ROMSSA TÁKSI oažžu buvttadandoarjaga

ISFI juolluda 300.000 NOK buvttadeapmái

Oanehisfilbma Romssa Táksi oažžu 300.000 NOK buvttadadandoarjaga dán jagi maŋimuš juolludanvuorus.

ROMSSA TÁKSI

Oanehis filbma / Čálli: Ingir Ane Bål / Bagadalli: Marja Bål Nango / Buvttadanfitnodat: 7ISH FILM AS / Buvttadeaddji: Marja Bål Nango / Juolluduvvon: 300.000 NOK

Romssas, Sámit ja dážat orrot ráfálaččat ovttas ássame, muhto go guokte nuorra sámi nieidda vásiheaba nállevealaheami juhkaluvvon dážain vuorddedettiin táksii, de sutno vuorbbit oktii bárgiduvvojit vuorraset sámiiguin. Dáhpáhusat mat dolvot sin bonjulágan ja sevdnjes ija beallái.

Buvttadandoarjaga ulbmil

Doarjaga ulbmil lea sihkkarastit sámegielat filbmaprošeavttaid buoremus vejolaš kvaliteahta ja nannet sámi filbmadahkkiid ja buvttadeddjiid.

ISFI buvttadandoarjaga ohcanáigemearit leat njelljii jagis: guovvamánu 1. beaivi, miessemánu 1. beaivi, čakčamánu 1. beaivi ja juovlamánu 1. beaivi.