Internašunála Sámi Filbma Instituhtta

Internašunála Sámi Filbmainstituhtta nanne sámi filbmabuvttadeami ja lokte gelbbolašvuođa ja ekonomalaš vejolašvuođaid ovdánahttit, buvttadit ja čájehit sámegielat filmmaid. Dasa lassin lea ISFI instituhtta mii ovddida ja nanne ovttasbarggu gaskkal eará álgoálbmot filbmadahkkiid ja ásahusaid riikkaidgaskkasaččat.

ISFI BIRRA

Internašunála Sámi Filbmainstituhtta (ISFI) hukse nanu ja innovatiiva Sámi filbmaindustriija mii lea máilmmiviidosaččat oidnosis ja geasuheaddji.

Mii bargat kapasitehtahuksemiin, ovddidat ja doarjut sámi filbmadahkkiid. Mii lágidat bargobájiid, ohcat riikkaidgaskasaš ruhtadeami ja rahpat geainnuid sámi filbmadahkkiide stuorra riikkaidgaskasaš arenain. Otne juolluda instituhtta doarjagiid filbmadahkkiide iešguđet surggiin.

Muitaluisaiguin mii hábmet iežamet boahtteáiggi.

Internašunála Sámi Filbmainstituhtta vuođđuduvvui 2009, ja eaiggádat lea Sámediggi (No) ja Guovdageainnu suohkan.

ISFI Árvvut

Min bargu vuođđuduvvá buot olbmuid dásseárvui ja gudnejahttimii ja lagas oktavuhtii luondduin. Mii árvvusatnit buot min verddiid ja ovttasbargguid báikkálaččat ja máilmmiviidosaččat. Álbmogin mii orrut njealji riikkas, rájákeahtes jurddašeapmi lea midjiide lunddolaš. Mii leat duostilat, positiivvat, proaktiivvat ja boahtteáiggediđolaččat.

Duostil, positiiva ja boahtteáiggediđolaš
Mii doarjut buot filbmabuvttademiide mat nannejit álgoálbmogiid kultuvrraid ja gielaid.
Proaktiiva
Mii doarjut searvebuvttadeami ja hukset ceavzilis filbmaindustriija árktalaš guovllus mii earenoamážit deattuha álgoálbmotkultuvrraid.
Rájákeahtes jurddašeapmi
Mii hukset gelbbolašvuođa árktalaš filbmaguovllus ja nannet ovttasbarggu gaskal filbmaásahusaid, fitnodagaid, buvttadeddjiid ja universitehtaid.
Gudnejahttit
Mii gudnejahttit ja árvvusatnit oktavuođa lundui ja buot sivdnádusaide.
Ovttasbargu
Mii árvvusatnit buot ovttasbarggu ja fierpmádaga báikkálaččat ja máilmmiviidosaččat.
Árbevierut
Mii gávdnat ráđi min árbevirolaš máhtus.

ISFI VIŠUVDNA JA ÁIGUMUŠ

Višuvdna

ISFI lea sámi muitalanárbevieru áššedovdi ja mii hukset nanu ja innovatiiva Sámi filbmaindustriija mii lea máilmmiviidosaččat oidnosis ja geasuheaddji.

Áigumuš

Iežamet muitalusaid ja filmmaid bokti čuolahit mii áŋgirvuođain Sámi kultuvrra, árvvuid ja sámegielaid beale. Mii hábmet iežamet boahtteáiggi go muitalit min muitalusaid.

ÁRRAN

Árran lea davvisámegiel sátni mii govvida lávu váimmu ja gos sámi muitaleapmi lea dáhpáhuvvan áiggiid čađa. Árran symbolisere Sámi álbmoga eallinvuoimmi, báikki gos oktavuohta gaskkal olbmo ja visot eará čatnása oktii. Árran govvida sámiid oaidninvugiid áiggis, mas vássán-, dálá- ja boahtteáigi deaivvadit oktilaš áiggi, heakkaid ja jurdagiid rávnnjis.

ISFI lea ÁRRAN gos sámi muitalusat buollájit, ja gosa min muitaleaddjit čoahkkanit hábmet boahtteáiggi ja gos sis lea oktavuohta vássánáiggiin.

ISFI ÁIGUMUŠAT

Sámiin galgá leat valjit kvalitehta filmmat ja muitalusat digitála hámis min iežamet gillii.

Mii bargat dan ovdii ahte sámegillii gávdno eanet sisdoallu buot šáŋŋeriin; guhkesfilmmat, drámaráiddut, animašuvnnat ja spealut mánáide ja nuoraide.
Buvttadeamit Sámi mánáide ja nuoraide vuoruhuvvojit earenoamážit.
Mii bargat dan ovdii sámi filmmat leat gávdnomis ja geasuheaddjit buot lávddiin, sihke Sámis ja riikkaidgaskasaččat.
Mii bargat dan ovdii sámiin ja sámi kultuvrras lea máilmmiviidosaččat árvu, mii riggudahttá girjáivuođa

Dihtet go dán ISFI BIrra?

Guovdageainnu stuimmit

ISFI šilljui Buletjávrris leat čohkkejuvvon áittit mat ledje Nils Gaup filmmas Guovdageainnu stuimmit (2008) filmmas.

Seven Sámi Stories

ISFI álggahii oanehisfilbmaprošeavtta 2014is Seven Sámi Stories. Dát prošeakta lea doaibman álgun sámi guhkesfilbmabuvttadeapmái. Máŋga bagadalli dáid oanehisfilmmain leat otne ráhkadan dahje rahkadeamin sámi guhkesfilmmaid.

Verddet

Dihtet go ahte ISFI lea ovttasbargan Disney fitnodagain go ráhkadedje Jikŋon II, ahte mii leat čájehan sámi- ja álgoálbmotfilbmmaid Oscar Academiija Museas, ja ahte mii fállat gelbbolašvuođalokten prográmmaid fárrolagain Netflixain?

Álgoálbmot Filbmakonferánsa

Mii álggaheimmet konferánnsa 2011is, lágideimmet nuppes 2018is ja goalmmát háve 2023is. Mii illudat jo njealjját geardái, vaikke dáhton ii leat vel čielgan.

2023..

.. juolludeimmet 80 doarjaga!

Mii doarjjuimet mánusiid, ovdánahttinprošeavttaid, buvttademiid, distribušuvnnaid, ja mátke- ja gelbbolašvuođa.

.. ožžo 19 sámi filmma buvttadandoarjaga!

Biru Unjárga, In My Hand, Heajastallan, Gosa jávkkai luossa, ja máŋga eará.

.. ožžo 9 čálli giehtačálusdoarjaga!

Oainnát ollislaš listtuid min jahkedieđáhusas.

OKTAVUOĐADIEĐUT

Internašunála Sámi Filbmainstituhtta

Buletjávri
N-9520 Guovdageaidnu
Norway

Org. nr

909819498759

Váldde oktavuođa minguin

+47 41 22 28 76

info@isfi.no

Viečča logo ja eará

Anne Lajla Utsi, direktevrra

Viečča AnneLajlaUtsi_photobyPerHeimly2a Viečča AnneLajlaUtsi_photobyPerHeimly1a Viečča Anne-Lajla-Utsi-1643-scaled

Dá leat ISFI filbmalogot. Jus dárbbašat eará logoid, váldde oktavuođa info@isfi.no.

Viečča ISFI film logo

Skovvi bušeteremii ja rehketdollui go ohcá ja raportere buvttadan- dahje ovdánahttindoarjaga. Jorgaluvvu fargga maid sámegillii.

Viečča CalculationSpreadsheetProduction Viečča KalkyleskjemaProduksjon

Ehtalaš rávvagat fibmadahkamii Sámi álbmogiin ja kultuvrrain

Viečča OFELAS PATHFINDER GUIDELINES SAM_2024_32s

Ovdanbuktin ISFI bohtosiin ja mearkkašumis.

Viečča Isfi Presentasjon

Árktalaš álgoálbmogiid filbmafoandda ovdanbuktin

Viečča AIFF brošyra

Dás gávnnat ISFI jagi 2024 jahkediedáhusa. Lea dušše dárogillii.

Viečča Årsrapport 2024_ISFI

Dás gávnnat ISFI jagi 2023 jahkediedáhusa. Lea dušše dárogillii.

Viečča ISFI ÅRSRAPPORT2023 Viečča ISFI ÅRSRAPPORT2023 080324 trykk m utfall

Dás gávnnat ISFI jagi 2022 jahkediedáhusa.

Viečča Årsrapport2022NO

Dás gávnnat ISFI jagi 2021 jahkediedáhusa.

Viečča Jahkediedahus2021

Dás gávnnat ISFI jagi 2020 jahkediedáhusa.

Viečča Årsrapport ISFI 2020

Dáppe oainnát makkár filmmaide ja prošeavttaide ISFI lea juolludan doarjaga jagi 2020.

Viečča Juolludeamit 2020