VIHTTA OĐĐA SÁMI BUVTTADEAMI OŽŽOT DOARJAGA
Almmuhuvvon: 15.03.2024
ISFI juolluda oktiibuot 3,7 millijuvnna NOK buvttadeapmái
Guokte oanehis filmma, okta tv-ráidu ja guokte guhkesfilmma juolluduvvojit oktiibuot 3,7 million NOK dán jagi vuosttaš juolludanvuorus:
ÁRRU
ÁRRU © ELLE SOFE COMPANY
Juoiganmusikála / Buvttadanfitnodat: Elle Sofe Company AS / Čálli: Elle Sofe Sara, Johan Fasting / Bagadalli: Elle Sofe Sara/ Juolluduvvon: 800.000 NOK (Nubbi buvttadanjuolludeapmi)
Musikála guođoheaddji Maia birra gii dáistališgoahtá guohtoneatnamiid bilideami vuostá. Go dáistaleapmi gižžu garrá, Maia oahppá ahte jođiheaddji lea illásteaddji. Son ferte válljet: galgá go son orrut jaska ja gáddjut bearraša árbbi, vai jienádit ja bissehit illásteami servvodagas?
ÁRRUI lea oktiibuot juolluduvvon buvttadandoarjja 1.300.000 NOK. Vuosttaš buvttadanjuolludeamis oaččui ÁRRU 500.000 NOK.
MOVING MOUNTAINS / MER ENN BARE FJELL (bargonamma)
MER ENN BARE FJELL © AURINKO FILM AS
Oanehis filbma / Buvttadanfitnodat: Aurinko Film AS / Čálli: Johannes Vang / Bagadalli: Johannes Vang / Juolluduvvon: 200.000
Fosen njárgga badjel ceaggájit alla bieggamillot. Alimusriekti lea čielggas duomuinis, muhto ráđđehus ii čuovo rievtti. Sámi nuorat dovdet iežaset bággehallan boddui biddjat beaivválaš eallima ja geavahit iežaset eallima rahčamušaiguin identitehta ja kultuvrra ovddas.
MUORRA
Muorra © Forest People
Oanehis filbma / Buvttadanfitnodat: Forest People / Čálli: Mihkkal Hætta / Bagadalli: Mihkkal Hætta / Juolluduvvon: 200.000 NOK
Sámi eatnamiin lea erenoamáš fápmu, man sáhttá dovdat, juoga oaidnetmeahttun. Muitalusas háliidat fáhtet dán fámu ja biddjat dán fámu murrii. Dihto murrii. Muorra doalvu olbmo eallima nuppástuhttin mátkái.
THE CURSE – A LOVE STORY
AMANDA KERNELL © CARLA ORREGA VELIZ
Guhkes filbma / Buvttadanfitnodat: Forest People / Čálli: Amanda Kernell / Bagadalli: Amanda Kernell / Granted: 1.000.000 NOK
The Curse lea ráhkisvuođamuitalus trauma dearvvašmuvvamis. Muitalus čuovvu nuorra badjeolbmo Ejva (19) vuosttaš jagi maŋŋá su áhčči vadjoleami.
HEAJASTALLAN
HEAJASTALLAN © ELENA SKUM
TV-Ráidu / Buvttadanfitnodat: Forest People / Čálli: Åse Kathrin Vuolab / Bagadalli: Åse Kathrin Vuolab, Pål Jackman / Juolluduvvon: 1.500.000 NOK (nubbi buvttadanjuolludeapmi)
Sevdnjes humor dráma-ráidu bearraša birra geat eai áibbas doaimma, geat geahččalit lágidit daid buoremus heajaid, riidalkeahttá. Spoiler: Ii mana beare bures. Ribahit rahtasit almmolaččat.
HEAJASTALLAN tv-ráidui lea oktiibuot juolluduvvon buvttadandoarjja 2.800.000 NOK. Vuosttaš buvttadanjuolludeamis oaččui HEAJASTALLAN 1.300.000 NOK.
Buvttadandoarja ulbmil
Doarjaga ulbmil lea sihkkarastit sámegielat filbmaprošeavttaid buoremus vejolaš kvaliteahta ja nannet sámi filbmadahkkiid ja buvttadeddjiid.
ISFI buvttadandoarjaga ohcanáigemearit leat njelljii jagis: guovvamánu 1. beaivi, miessemánu 1. beaivi, čakčamánu 1. beaivi ja juovlamánu 1. beaivi.